பயார்னை வீழ்த்தியது கைசர்ஸ்லாட்டர்ன் !!!

பன்டஸ்லீகா போட்டிகளில் நேற்று நடந்த போட்டியில் நடப்பு சாம்பியன் பயார்ன் மியூனிச்சை கைசர்ஸ்லாட்டர்ன் தனது மைதானத்தில் வைத்து 2-0 என்ற கோல் கணக்கில் வீழ்த்தியது. 24வது நிமிடத்தில் மியூனிச்சின் ஸ்வைன்ஸ்டைகர் பாஸ் செய்த பந்தை பெற்றுக் கெண்ட தோமஸ் முல்லர் கோல்வாய்ப்பை மயிரிழையில் தவறவிட்டார். 36வது நிமிடத்தில் கைசர்ஸலாட்டர்னின் இவோ இலிசெவிக் பெனால்டி கோட்டிலிருந்த வண்ணம் கோல் வலையின் மேல் மூலைக்கு அடித்து எதிணியினரை அதிர்ச்சியில் ஆழ்த்தினார்.


மறுநிமிடமே அதே அணியின் லகிக் கோலடிக்க இடைவேளையின் போது கைசர்ஸ்லாட்டர்ன் 2-0 எனும் கோல்கணக்கில் முன்னிலை எடுத்தது. இரண்டாவது பாதியில் பயார்ன் கோலடிக்க வேண்டும் எனும் நெருக்கடியில் வேகமாக வியைாடியதால் பல அற்புதமான கோல் வாண்ப்புக்களைத் தவற விட்டது. 87வது நிமிடத்தில் கைசர்ஸ்லாட்டர்னின் பதில் வீரர் ஹொபர் அடிக்கவிருந்த கோலை பயார்னின் தடுப்பாளர் மார்க் வாக் பொமல் அபாரமாக தடுத்து நிறுத்தினார். இவ்வெற்றியினால் பன்டஸ்லீகா தரவரிசையில் கைசர்ஸ்லாட்டர்ன் முதல் இடத்தை பெற்றுள்ளதோடு பயார்ன் மியூனிச் 8வது இடத்திற்கு பின்தள்ளப்பட்டுள்ளது.

---