நெதர்லாந்தை வெல்லுமா பிறேசில் ?

உலகக் கோப்பை போட்டிகளில் ரவுன்ட் ஓஃப் 16 முடிந்து காலிறுதிப் போட்டிகள் ஆரம்பமாயுள்ளன. யார் வெல்லப் போகிறார்கள் என்ற ஆர்வம் ரசிகர்களிடையே முற்றிக் கொண்டே செல்கின்றது. அதற்கேற்றாற் போல போட்டிகளும் கடுமையாகின்றன. அவ்வாறான ஒரு போட்டிதான் இந்த பிறேசில் – நெதர்லாந்து !

தரவரிசையில் 1ம் இடத்தியிருக்கும் பிறேசில் நட்சத்திர வீரர்களான ரொபின்ஹோ, மெய்க்கான், காகா, லூயிஸ் பாபியானோ ஆகியோரை உள்ளடக்கியுள்ளது. வட கொரியாவுடன் 2-1, ஐவரி கோஸ்ட்டுடன் 3-1, சிலியுடன் 3-0 என வெற்றியீட்டியதோடு போர்த்துக்கலுடனான போட்டியை 0-0 என சமன் செய்துள்ளது. லூயிஸ் பாபியானோ 4 போட்டிகளில் விளையாடி 3 கோல்கள் போட்டுள்ளதால் அவர் இப் போட்டியில் கோல்களையடித்து தங்கப் பாதணிக்கான வாய்ப்பை அதிகரித்துக் கொள்ளலாம்.

மறுமுனையில் 4ம் இடத்திலுள்ள நெதர்லாந்தில் பெரிய வீரர்கள் இல்லாவிடினும் வான் பேர்ஸி, வான் டி வார்ட், அர்ஜான் ரொபர்ன் போன்றோர் ஆறுதலளிக்கலாம். அதிலும் ரொபர்ன் அண்மைக்காலமாக சிறப்பாக விளையாடி வருவது பிறேசில்அணிக்கு பெருந் தலையடியாக அமையலாம். இத்தொடரில் நெதர்லாந்து அனைத்துப் போட்டிகளிலும் தொடர்ச்சியான வெற்றியைப் பதிவு செய்து வருவதார் அணி வீரர்கள் உற்சாகத்துடன் காணப்படுகின்றனர். (டென்மார்க்குடன் 2-0, ஜப்பானுடன் 1-0, கமரூனுடன் 2-1, ஸ்லோவாக்கியாவுடன் 2-1)

இதனால் இப் போட்டி இரு அணி வீரர்களுக்கும் வாழ்வா? சாவா? என்ற ரீதியில் அமைவதோடு ரசிகர்களுக்குப் பெரும் விருந்தாக அமைவது உறுதி !!

---