உலகக்கிண்ண விருதுகள்

பீபா 2010 உலகக் கிண்ணத்திற்கான விருதுகள் இறுதிப் போட்டி முடிவடைந்த பின் பரிசளிக்கப் பட்டன. அவ்விருதுகள் முறையே –

1. தங்கப் பாதணி விருது

ஒவ்வொரு உலகக் கோப்பை போட்டிகளின் போதும் அதிக கோல் அடித்தவருக்கு இது வழங்கப்படும். இம்முறை ஸ்பெயினின் வில்லா அல்லது நெதர்லாந்தின் ஸ்னைடருக்கே இது வழங்கப்படும் என எதிர்பார்க்கப்பட்ட போதும் இருவரும் இறுதியாட்டத்தில் எக் கோலும் அடிக்கவில்லை. இருவரும் தலா 7 போட்டிகளில் விளையாடி 5 கோல்கள் போட்டிருந்தனர். இதனால் 6 போட்டிகளில் விளையாடி 5 கோல்கள் போட்ட முல்லருக்கு இது வழங்கப் பட்டது.

வெற்றியாளர் – தோமஸ் முல்லர் (ஜெர்மனி)

6 போட்டிகளில் 5 கோல்கள்

2. சிறந்த இளம் வீரர் விருது

உலகக் கிண்ண போட்டிகளில் சிறப்பாக விளையாடிய 25 வயதுக்கு வீரருக்கு இது வழங்கப்படும். இம்முறை தங்கப் பாதணி வென்ற முல்லருக்கே இவ்வீருதும் வழங்கப்பட்டுள்ளது. இரண்டு விருதுகளையும் பெறும் 2வது வீரர் இவரென்பதும் குறிப்பிடத்தக்கது.

வெற்றியாளர் – தோமஸ் முல்லர் (ஜெர்மனி)

3. தங்கக் கையுறை விருது

ஒவ்வொரு உலகக் கோப்பை போட்டிகளின் போதும் சிறப்பாகச் செயல்படும் கோல் காப்பாளருக்கு இது வழங்கப்படும். ஸ்பெயின் வீரர் இகர் கஸில்லஸ் 7 போட்டிகளில் விளையாடி 2 கோல்களை மட்டும் தடுக்கத் தவறியதோடு காலிறுதி, அரையிறுதி மற்றும் இறுதிப் போட்டிகளின் போது ஒரு கோலையும் விடாமல் சிறப்பாக விளையாடியமையால் இவ்விருது அவருக்கு வழங்கப்பட்டுள்து.

வெற்றியாளர் – இகர் கஸில்லஸ் (ஸ்பெயின்)

4. தங்கப் பந்து விருது

ஒவ்வொரு உலகக் கோப்பை போட்டித் தொடர் முழுதும் சிறப்பாக விளையாடி தனது திறமையை வெளிப்படுத்தும் வீரருக்கு வழங்கப்படும் இவ்விருதானது இம்முறை உருகுவேயை அரையிறுதி வரை வழிநடத்திச் சென்ற போர்லானுக்கு வழங்கப்பட்டுள்ளது.

வெற்றியாளர் – டியாகோ போர்லான் (உருகுவே)

5. நேர்த்தியான அணி விருது

ஒவ்வொரு உலகக் கோப்பை போட்டிகளின் போதும் விதிமுறைகளுக்கேற்ப நேர்த்தியாக விளையாடும் அணிக்கு இது வழங்கப்படும்.

வெற்றி பெற்ற அணி – ஸ்பெயின்

---