07.07.10 அன்று நடைபெற்ற அரையிறுதி ஆட்டத்தில் இறுதிக்குத் தகுதி பெறும் என பரவலாக எதிர்பார்க்கப்பட்ட ஸ்பெயின், ஜெர்மனி ஆகிய நாடுகள் மோதின. இப் போட்டியில் 1-0 என்ற கோல் அடிப்படையில் ஸ்பெயின் வெற்றியீட்டியது. இப் போட்டியில் ஜெர்மனியின் முல்லர் விளையாடவில்லை.
ஆரம்பம் தொடக்கம் இரு அணி வீரர்களும் எதிரணியினர் கோல் போடுவதை தடுத்துக் கொண்டே வர முதல்பாதி கோல்கள் ஏதுமின்றி நிறைவு பெற்றது. பிற்பாதியில் ஸ்பெயினின் அலோன்சோ, ஜெர்மனியின் ஊஸில் ஆகியோர் மயிரிழையில் கோல் வாய்ப்பைத் தவற விட்டனர். எனினும் ஸ்பெயின் அணி வீரரும் பார்சிலோனா கால்பந்தாட்டக் கழக அணித் தலைவருமான கார்லோஸ் புயோல் 73வது நிமிடத்தில் க்ஸாவி அடித்த கோர்னர் கிக்கை கோலாக மாற்றினார். தொடர்ந்து ஜெரமனியின் கோல் வாய்ப்புக்களைத் தடுத்துக் கொண்டே வந்த ஸ்பெயின் 1-0 என வெற்றி றெ்று இறுதிக்குள் நுழைந்தது. இப் போட்டியில் தங்கப் பாதணிக்குப் போட்டியிடும் வில்லா, குளோஸ் ஆகியோர் கோலடிக்காதது ரசிகர்களுக்குப் பெரும் ஏமாற்றமாக அமைந்தது.
No comments:
Post a Comment