கிண்ணத்தைக் கைப்பற்றியது ஸ்பெயின் !!!

உலகக் கோப்பைக் கால்பந்தாட்டப் போட்டிகளின் இறுதி ஆட்டம் 11.07.10 நள்ளிரவு ஜொஹன்னஸ்பேர்க் மைதானத்தில் நெதர்லாந்து, ஸ்பெயின் அணிகளுக்கிடையில் நடைபெற்றது. பரபரப்பாக நடைபெற்ற இவ்வாட்டத்தில் மேலதிக நேரத்தின் போது கோலடித்து ஸ்பெயின் அணி 1-0 என வெற்றி பெற்றது.

போட்டி தொடக்கம் முதல் பந்து ஸ்பெயினின் கட்டுப்பாட்டிலேயே இருந்தது. 5வது நிமிடத்தில் ஸ்பெயினின் க்ஸாவி அடித்த ப்றீ கிக்கை ரேமொஸ் தலையால் தட்ட நெதர்லாந்து கோல் காப்பாளர் ஸ்டெகலன்பேர்க் அதை தடுத்தார். இடைவேளையின் பின் ஸ்பெயினுக்கு அரையிறுதியில் வெற்றி தேடித்தந்த புயொல் ஹெயிடிங்காவின் தலைக்கு மேலாக அடித்த பந்தை கப்டிவில்லா சரியாக அடிக்காமையால் கோல்போடும் வாய்ப்பு கைநழுவிப் போனது.

பின்னர் தெதர்லாந்தின் ரொபர்ன், குயிட்டிடமிருந்து பெற்ற பந்தை புயொல், பிக் ஆகியோரைத் தாண்டிச்சென்று காலால் உதைக்க ஸ்பெயின் கோல் காப்பாளர் கஸில்லஸ் அதை அபாரமாகத் தடுத்தார். இதேபோல 82வது நிமிடத்தில் ரொபர்னுக்கு கிடைத்த வாய்ப்பும் கஸில்லஸால் முறியடிக்கப்பட்டது. 90வது நிமிடத்திற்குப் பின்னும் ஒரு கோலும் அடிக்கப்படாமையால் போட்டி மேலதிக நேரத்திற்கு கொண்டு செல்லப்பட்டது. மேலதிக நேரத்தில் 2வது முறையாகவும் மஞ்சள் அட்டை காட்டப்பட்ட நெதர்லாந்தின் ஹெயிடிங்கா வெளியேற்றப்பட நெதர்லாந்து 10 பேரைக் கொண்டே ஆடியது. இதை சாதகமாகப் பயன்படுத்திக் கொண்ட ஸ்பெயினின் இனியெஸ்டா 116வது நிமிடத்தில் கோலொன்றைப் போட்டு ஸ்பெயினுக்கு வெற்றி தேடித் தந்தார்.

இதன் முலம் உலகக் கோப்பையை வென்ற 8வது அணியாக ஸ்பெயின் பதிவானதோடு, 3முறை இறுதிப் போட்டிக்குத் தகுதி பெற்றும் கிண்ணத் வெல்லாத அணியாக நெதர்லாந்து பதிவானது.

Netherlands (NED) Statistics Spain (ESP)
13 Shots 18
5 Shots on goal 6
0 Goals Scored 1
28 Fouls Committed 19
18 Fouls Suffered 28
6 Corner kicks 8
18 Free kicks Shots (scored) 23
0 / 0 Penalty Kicks (Goals/Shots) 0 / 0
7 Offsides 6
0 Own Goals 0
7 Yellow cards 5
1 Second yellow 0
0 Red Cards 0
36 Actual playing time 48
43% Possession (%) 57%

---